The Auld Hoose
"The Auld Hoose" was the house in Gask, Strathearn (Perthshire), where Carolina Oliphant, later Lady Nairne, was born (in 1766) and grew up. She was almost contemporary with Robert Burns, and wrote songs, many of which are firmly entrenched still in the Scottish folk tradition: "Land o’ the Leal", "Caller Herrin’", "The Lass o’ Gowrie", "The Laird o’ Cockpen", "The Rowan Tree" to name a few.
"The Auld Hoose" was written probably in the 1820s
Oh, the auld hoose, the auld hoose, what tho’ the rooms were wee !
Oh ! kind hearts were dwelling there, and bairnies fu’ o’ glee ;
The wild rose and the jessamine still hang upon the wa’,
How mony cherish’d memories do they, sweet flowers, reca’ !
O, the auld laird, the auld laird, sae canty, kind, and crouse,
How mony did he welcome to his ain wee dear auld house !
And the leddy too, sae genty, there shelter’d Scotland’s heir,
And dipt a lock wi’ her ain hand frae his lang yellow hair.
The mavis still doth sweetly sing, the bluebells sweetly blaw,
The bonnie Earn’s clear winding still, but the auld house is awa’.
The auld house, the auld house, deserted tho’ ye be,
There ne’er can be a new house will seem sae fair to me.
Still flourishing the auld pear tree, the bairnies liked to see,
And oh, how often did they speir when ripe they a’ wad be !
The voices sweet, the wee bit feet aye rinnin’ here and there.
The merry shout—oh ! whiles we greet to think we’ll hear nae mair !
For they are a’ wide scatter’d now, some to the Indies gane,
And ane, alas ! to her lang hame ; not here we’ll meet again.
The kirkyaird, the kirkyaird ! wi’ flowers o’ every hue,
Shelter’d by the holly’s shade an’ the dark sombre yew.
The setting sun, the setting sun, how glorious it gaed doon !
The cloudy splendour raised our hearts to cloudless skies aboon !
The auld dial, the auld dial, it tauld how time did pass ;
The wintry winds hae dung it doon, noo hid ‘mang weeds and grass.